Urdu ghazal by Wasif Ali Wasif 2020

Urdu ghazal by Wasif Ali Wasif 

 

گُھنگرو پہ بات کر نہ تُو پائل پہ بات کر

مجھ سے طوائفوں کے مسائل پہ بات کر

فُٹ پاتھ پر پڑا ہوا دیوانِ مِیر دیکھ

رَدّی میں بِکنے والے رسائل پہ بات کر

گورے مُصَنِّفین کی کالی کُتُب کو پڑھ

کالے مُصَنِّفوں کے خصائل پہ بات کر

منبر پہ بیٹھ کر سُنا جھوٹی حکایتیں

خطبے میں سچ کے فَضل و فضائل پہ بات کر

اِس میں بھی اَجر ہے نہاں نَفلی نَماز کا

مسجد میں بھیک مانگتے سائل پہ بات کر

میرا  دُعا سے  بڑھ کے  دوا  پر یقین ہے

مجھ سے وَسیلہ چھوڑ، وسائل پہ بات کر

آ میرے ساتھ بیٹھ، مرے ساتھ چائے پی

آ میرے ساتھ میرے دلائل پہ بات کر

سردار ہیں جو آج وہ غدّار تھے کبھی

جا اِن سے اِن کے دورِ اوائل پہ بات کر

واصفؔ بھی سالِکوں کے قبیلے کا فرد ہے

واصفؔ سے عارِفوں کے شَمائل پہ بات کر

(واصف علی واصف)

Ghungro py bat kr na tu paial py bat kr

Mujh sy tawaifon k masail py bat kr

Foot path py pra hoa deewan e mir dekh

Radi ma biknay waly risaail py bat kr 

Goray musanifen ki Kali  kitab ko parh

Kaly musanfon k khsail py bat kr 

Mimnbar py baith k suna jhuti hikayateen

Khutbay ma sach k fazail py bat kr 

Is ma bh ajar hy nihaan naffli namaz ka

Masjid ma bheek magnty sail py bat kr 

Mera dua sy barh kr dwa py yaqeen hy

Mujh sy wasela chor, wasail py bat kr 

Aa mere sath baith, mere sath chaiye pi

Aa mere sath mere dllail py bat kr 

Sardar hen jo aj wo ghardar thy kbi 

Ja in sy in k duor e awael py bat kr 

Wasif bh saalikoon k kabilay ka fard hy

Wasif sy arifoon k shmail  py bat kr 

Wasif Ali Wasif